କୋକସରା , ୩ଠା୮ ( ଇମିସ ) : ଅନ୍ଲାଇନ୍ରେ ଲୋକଙ୍କୁ ଅନେକ ସ୍କିମ୍ ଓ ଅଫର ପ୍ରଲୋଭନ ଦେଖାଇ ଠକୁଛନ୍ତି ସାଇବର ଠକା ଏପରି ସାଇବର ଠକଙ୍କ ଜାଲରେ ପଡ଼ିଛନ୍ତି କୋକସରା ଯୁକ୍ତତିନି ମହାବିଦ୍ୟାଳୟର ଅର୍ଥନୀତି ଅଧ୍ୟାପକ ସୁବ୍ରତ ବେହେରା । ସୂଚନାନୁସାରେ ଅଧ୍ୟାପକ ଶ୍ରୀ ବେହେରାଙ୍କ ମୋବାଇଲ୍କୁ ବିଏସ୍ଏନ୍ଏଲ୍ କେୱାଇସି ଅପ୍ଟେଣ୍ଡେଟ୍ ପାଇଁ ୯୩୩୯୪୬୭୪୭୦ ନମ୍ବରରୁ ରବିବାର ରାତିରେ ଏକ କଲ୍ ଆସିଥିଲା । ସାଇବର ଠିକ୍ ପ୍ରଥମେ ଅଧ୍ୟାପକଙ୍କୁ ଆପଣଙ୍କ ବିଏସ୍ଏନ୍ଏଲ୍ ସିମ୍ ଅପଡେଟ୍ ପାଇଁ କେୱାଇସି କରନ୍ତୁ ନଚେତ ଏହା ବନ୍ଦ ହୋଇଯିବ ବୋଲି କହିବା ସହ ପ୍ଲେଷ୍ଟୋରରୁ ବିଏସ୍ଏନ୍ଏଲ୍ କେଇସି କ୍ରିକ୍ ସର୍ଭିସ୍ ଆପ୍ ଡାଉଡୋଲନ୍ କରିବାକୁ କହିଥିଲା । ସିମ୍ ବନ୍ଦ ହୋଇ ଭାବି ଅଧ୍ୟାପକ ଶ୍ରୀ ବେହେରା ଆପ୍ ଡାଉନ୍ଲୋଡ୍ କରିବା ମାତ୍ରେ ତାଙ୍କ ବ୍ୟାଙ୍କ ଆକାଉଣ୍ଟରୁ ୫୦ ହଜାର ଟଙ୍କା ଟ୍ରାନ୍ସଫର୍ ହୋଇଥିବା ମେସେଜ୍ ଆସିବା ପରେ ସାଇବର ଠକାମିର ଶିକାର ହୋଇଥିବା ସେ ଜାଣିପାରିଥିଲେ । ଏ ନେଇ ସେ ସୋମବାର କୋକସରା ଥାନାରେ ଏତଲା ଦେଇଥିଲେ । ଏନେଇ କୋକସରା ଥାନା ଅଧିକାରୀ ରମଣୀ ରଂଜନ ଦଳେଇଙ୍କୁ ପଚାରିବାରୁ ସାଇବର ବିଭାଗକୁ ତଦନ୍ତ କରିବାକୁ ରିପୋର୍ଟ ଦିଆଯାଇଛି , ତଦନ୍ତ ଜାରି ରହିଥିବା ବେଳେ କୋକସରା ଥାନାରେ ଏକ ମାମଲା ରୁଜୁ ହୋଇଛି ବୋଲି ସେ କହିଥିଲେ ।
0 Comments