ଜିଲ୍ଲାସ୍ତରୀୟ କୁଇଜ୍ ପ୍ରତିଯୋଗିତାରେ ଲାଞ୍ଜିଗଡ଼ର ଛାତ୍ରୀ ପ୍ରଥମ

ଲାଞ୍ଜିଗଡ଼ , ୧୯ / ୮ ( ଇମିସ ) : ୭୫ତମ ସ୍ଵାଧୀନତା ଦିବସ ୨୦୨୧ ଅବସରରେ କଳାହାଣ୍ଡି ସୂଚନା ଓ ଲୋକସମ୍ପର୍କ ବିଭାଗ ଦ୍ଵାରା ଜିଲ୍ଲାର ବିଭିନ୍ନ ସ୍କୁଲର ଛାତ୍ରଛାତ୍ରୀଙ୍କ ମଧ୍ୟରେ ଭର୍ତ୍ତୃଆଲ୍ ମୋରେ ଜୁନିୟର ବର୍ଗର କୁଇଜ୍ ପ୍ରତିଯୋଗିତା ହୋଇଥିଲା ଏଥିରେ ଲାଞ୍ଜିଗଡ଼ ପ୍ରାଥମିକ ବିଦ୍ୟାଳୟର ଛାତ୍ରୀ ଭଗବତୀ ଦଣ୍ଡସେନା ଭାଗ ନେଇ ଜିଲ୍ଲାସ୍ତରରେ ପ୍ରଥମ ସ୍ଥାନ ଅଧିକାର କରିଛନ୍ତି । ଗୁରୁବାର ଲାଞ୍ଜିଗଡ଼ ବ୍ଳକ୍ ଶିକ୍ଷା ବିଭାଗ ପକ୍ଷରୁ ଶିକ୍ଷାଧିକାରୀ ସଞ୍ଜୀବ ନାଏକ ଭଗବତୀଙ୍କୁ ଯୋଗ୍ୟତା ପ୍ରମାଣପତ୍ର ଓ ଟ୍ରଫି ଦେଇ ସମ୍ବର୍ଦ୍ଧିତ କରିଛନ୍ତି । ଲାଞ୍ଜିଗଡ଼ ସିଆରସିସି ଏମ୍ . ସୁନ୍ଦର ଶେଖରଙ୍କ ସମେତ ଶିକ୍ଷକ ଶିକ୍ଷୟିତ୍ରୀମାନେ ଉପସ୍ଥିତ ଥିଲେ ।