ଭ୍ୟାନ୍ ଉପରେ ଚଢ଼ିଗଲା ଟ୍ରକ୍ , ୪ ପୁଲିସ ମୃତ

 

ପାତ୍ରପୁର , ୨୩ / ୮ ( ଇମିସ ) ଆନ୍ଧ୍ର - ଓଡ଼ିଶା ସୀମାନ୍ତ ଶ୍ରୀକାକୁଲମ ଜିଲ୍ଲା ପଲାସା ମଣ୍ଡଳ ଅଧୀନ ସୁମାଦେବୀପେଟା ଗ୍ରାମ ୧୬ ନମ୍ବର ଜାତୀୟ ରାଜପଥରେ ଏକ ମର୍ମନ୍ତୁଦ ଦୁର୍ଘଟଣାରେ ଆର୍ମଡ଼ ରିଜର୍ଭ ଡିର ୪ ଜଣ ପୁଲିସ କର୍ମଚାରୀ ପ୍ରାଣ ହରାଇଛନ୍ତି । ମୃତକ ମାନେ ହେଲେ ସବଇନସପେକ୍ଟର୍ କେ.କ୍ରିଷ୍ଣୁଡୁ , ଦୁଇ ଜଣ ମୁଖ୍ୟ କଷ୍ଟେବଳ ୱାଇ.ବାବୁ ରାଓ , ପି.ଆକ୍ଟୋନି ଓ ପୁଲିସ ଭ୍ୟାନ୍ ଚାଳକ ପି.ଜନାର୍ଦ୍ଦନ ରାଓ ମୃତକମାନେ ଆଜି ସକାଳେ ଜଣେ ଯବାନଙ୍କ ଶବକୁ ହସ୍ତାନ୍ତର କରି ୧୬ ବୀରସରଙ୍ଗପୁରମରୁ ଭ୍ୟାରେ ଫେରୁଥିଲେ । ଏହି ସମୟରେ ସୁମାଦେବୀପେଟା ଗ୍ରାମ ନମ୍ବର ଜାତୀୟ ରାଜପଥ ନିକଟରେ ଭାର ଆଗ ଚକ ଫାଟି ଯାଇଥିଲା । ଫଳରେ ଚାଳକ ଭାରସାମ୍ୟ ହରାଇବାରୁ ଗାଡ଼ିଟି ଏକ ଡିଭାଇଡର୍ ଉପରକୁ ଚଢ଼ି ଯାଇଥିଲା । ଏତିକିବେଳେ ବିପରୀତ ପଟୁ ଆସୁଥିବା ଏକ ଲରି ପୁଲିସ ଭ୍ୟାନ୍‌କୁ ଧକ୍କା ଦେବାରୁ ୪ ଜଣ କର୍ମଚାରୀ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ । ଶବକୁ ଶ୍ରୀକାକୁଲମ ପୁଲିସ ଉଦ୍ଧାର କରିଥିଲା ।