ଧର୍ମଗଡ ପୋଲିସକୁ ସଫଳତା...ଚାରି ଲୁଟେରା ଗିରଫ।

 

ବିଭିନ୍ନ ସମୟରେ ଲୋକଙ୍କ ଠାରୁ ଓ ଗାଡ଼ିରୁ ଡିକି ଭାଙ୍ଗି ଟଙ୍କା ଲୁଟ କରୁଥିବା ୪ ଲୁଟେରାକୁ ପୋଲିସ ଗିରଫ କରିବାରେ ସଫଳ ହୋଇଛି ଏବଂ ଲୁଟେରାଙ୍କ ଠାରୁ ମିଳିଥିବା ଟଙ୍କା କୁ ଅଭିଯୋଗକାରି ଙ୍କୁ ଫେରାଇବାରେ ସଫଳ ହୋଇଛି l ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଗତ ୧୩ ତାରିଖ ଶୁକ୍ରବାର ଦିନ ଧର୍ମଗଡ ଥାନା ଆମ୍ବଗୁଡ଼ାର ଉଦ୍ଧବ ସୁନାନି ନାମକ ଜୈନିକ ବ୍ୟବସାୟୀ ଧର୍ମଗଡ଼ ଷ୍ଟେଟବ୍ୟାଙ୍କରୁ ଏକ ଲକ୍ଷ ୯ ହଜାର ଟଙ୍କା ଉଠାଇ ବ୍ୟାଙ୍କ ରୁ ବାହାରିବା ସମୟରେ ଟଙ୍କାକୁ ଝାଂପି ନେଇଥିଲେ l ଏନେଇ ଲୁଟର ଶିକାର ହୋଇଥିବା ବ୍ୟକ୍ତିଙ୍କ ଅଭିଯୋଗ ଓ ସିସିଟିଭି ଫୁଟେଜକୁ ଆଧାର କରି ତଦନ୍ତ ଆରମ୍ଭ କରି ୪ଜଣ ଲୁଟେରାକୁ ଗିରଫ କରିବାରେ ସଫଳ ହେବା ସହ ସେମାନଙ୍କ ଠାରୁ ଲୁଟରେ ବ୍ୟବହୃତ ଦୁଇଟି ଗାଡ଼ି, ମୋବାଇଲ, ପାସବୁକ୍, ଡିକି ଭାଙ୍ଗି ଲୁଟ୍ କରୁଥିବା ସାମଗ୍ରୀ ଓ ନଗଦ ଟଙ୍କା ଜବତ କରିଛି l ଏମାନେ କଳାହାଣ୍ଡି ବଲାଙ୍ଗୀରର ବିଭିନ୍ନ ଅଞ୍ଚଳରେ ହୋଇ ଥିବା ଲୁଟରେ ସଂପୃକ୍ତି ଥିବା ବେଳେ ଚଳିତ ବର୍ଷ କଳାହାଣ୍ଡି ଓ ବିଭିନ୍ନ ଅଞ୍ଚଳ ସମୁଦାୟ ୮ଗୋଟି ମାମଲା ବିଭିନ୍ନ ଥାନାରେ ହୋଇଥିବା ଲୁଟରେ ସମୁଦାୟ ୧୮ ଲକ୍ଷ ଟଙ୍କା ଲୁଟ କରିଥିବା ଧର୍ମଗଡ ଡ଼ିଏସପି ଧିରଜ୍ ଚୋପଦାର ଏକ ପ୍ରେସ ବିଂଜ୍ଞପ୍ତିରେ ପ୍ରକାଶ କରିଛନ୍ତି l ଗିରଫ ଆସାମୀ ଏମ,ଗଣେଶ,ଏ, ରଞ୍ଜିତ ରାଓ,ଡି, ଆକାଶ ଓ ଡି, ଚାନ୍ଦୁ,(ସମସ୍ତେ ଗଞ୍ଜାମ ଜିଲ୍ଲାର)ଙ୍କୁ ଆଜି କୋର୍ଟ ଚାଲାଣ କରାଯାଇଛି।