ଇନ୍ଦ୍ରାବତୀ କେନାଲରୁ ଅଚିହ୍ନା ବ୍ୟକ୍ତିଙ୍କ ଶବ ଉଦ୍ଧାର।

 

ଜୟପାଟଣା , ୮ I ( ଇମିସ ) : କଳାହାଣ୍ଡି ଜିଲ୍ଲା ଜୟପାଟଣା ଥାନା ସଗିଗୁଡ଼ା ନିକଟ ଇନ୍ଦ୍ରାବତୀ ବାମ ମୁଖ୍ୟ କେନାଲରୁ ସ୍ଥାନୀୟ ଅଗ୍ନିଶମ ବିଭାଗ ଜଣେ ଅଚିହ୍ନା ବ୍ୟକ୍ତିଙ୍କ ଶବ ଉଦ୍ଧାର କରିଛି । ରବିବାର ଦିନ ୧୧ଟାରେ ବାଞ୍ଜିବାହାଲ କେନାଲରେ କିଛି ଲୋକ ଗାଧୋଉଥିବା ବେଳେ ଏକ ଶବ ଭାସି ଯାଉଥିବା ଦେଖିଥିଲେ । ସଙ୍ଗେସଙ୍ଗେ ସ୍ଥାନୀୟ ଅଗ୍ନିଶମ ବିଭାଗ , ପୁଲିସକୁ ସେମାନେ ଖବର ଦେଇଥିଲେ । ଅଗ୍ନିଶମ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ଶବକୁ ଉଦ୍ଧାର କରିଥିଲେ । ପୁଲିସ କିଛି ବିଳମ୍ବରେ ପହଞ୍ଚି ତଦନ୍ତ ଆରମ୍ଭ କରିଥିଲେ ମଧ୍ୟ ମୃତକଙ୍କ ପରିଚୟ ମିଳିପାରିନାହିଁ । ପୁଲିସ ଦାୟିତ୍ବରେ ଶବକୁ ଚିହ୍ନଟ ପ୍ରକ୍ରିୟା ପାଇଁ ରଖାଯାଇ ବ୍ୟବଚ୍ଛେଦ କରାଯିବ ବୋଲି ଜଣାପଡ଼ିଛି ।